"Ölkədə təhsil keyfiyyətinin yüksək olmasını iddia etməmişəm” – NAZİR 

Hazırda oxunan: "Ölkədə təhsil keyfiyyətinin yüksək olmasını iddia etməmişəm” – NAZİR 

78594

“Təhsilin keyfiyyəti ən vacib sualdır, nəinki kəmiyyət göstəriciləri. Uzunmüddətli vədədə kəmiyyət dəyişikliklərinin keyfiyyət dəyişikliklərinə keçmə imkanı var. Təhsil naziri olaraq Azərbaycanda təhsilin keyfiyyətinin yüksək olması ilə bağlı iddiada olmamışam”.  

Bizim.Media xəbər verir ki, bunu təhsil naziri Emin Əmrullayev bildirib.  

O qeyd edib ki, Azərbaycan təhsilində çox ciddi problemlər var. Problemləri həll etmək üçün onların köklərini tapmaq lazımdır:

“Bölgələrə baxanda maraqlı şəkil görürük. Məsələn, Qax rayonu, onun yanında olan Oğuz rayonu, məcburi köçkün rayonu -  Qubadlı və ya Naxçıvan. Rayonların iqtisadi vəziyyətinə baxımda hamısı aşağı-yuxarı eyni görünür. Lakin nəticələr fərqlidir. Məsələn Qax təhsil baxımından Bakıdan yaxşı nəticə göstərir. O rayonlarda ki, məktəbəqədər təhsilin əhatəlilik səviyyəsi yaxşıdır, orada yüksək nəticə olur. Hansı rayonlarda ki, əhalinin ali təhsilli insanlarının payı və çəkisi yuxarıdır, orada nəticə yüksək olur.

Burada bir ənənə məsələsi də var. Məsələn, Sumqayıt şəhərində bir neçə il əvvəl müəllimlərin qeyri-rəsmi sertifikasiyası aparılıb. Həm də bu səbəbdən orada da nəticələr yaxşıdır.  
Azərbaycan bir ölkədir, eyni qaydalarla idarə olunur. Lakin fərqlərin olması düşünmək üçün başlanğıc nöqtə olmalıdır”.  

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO