Şəmkirdə güclü yanğın hadisəsi baş verib.
Bizim.Media-nın yerli bürosunun məlumatına görə, hadisə rayonun Çənlibel kəndində qeydə alınıb.
Hadisə nəticəsində həyətyanı sahədə dayanan “VAZ” markalı minik avtomobilinin yanar hissələri, yaxınlıqda ümumi sahəsi 40 m² olan tövlənin dam örtüyünün yanar konstruksiyaları, dama yığılan 2 ton ot bağlaması, dama bitişik ümumi sahəsi 80 m² olan birmərtəbəli evin dam örtüyünün yanar konstruksiyaları yanıb.
Yanğın baş verən əraziyə Fövqəladə Hallar Nazirliyinin yanğınsöndürən avtomobilləri və canlı qüvvəsi cəlb olunub.
Onların səyi nəticəsində evin, tövlənin və ot bağlamalarının bir hissəsi mühafizə olunub. Yanğının baş vermə səbəbləri araşdırılır.
Məqsəd Rəhimov, Bizim.Media, Qərb bürosu
