Mingəçevirdə məktəbdə ŞOK HADİSƏ: 10-na yaxın şagird xəstəxanaya çatdırıldı

Mingəçevir şəhər 3 saylı orta məktəbin direktoru Gültəkin Quliyeva şagirdlər arasında  qeydə alınmış halsızlıqla danışıb.

O, Bizim.Media-ya açıqlamasında 5 nəfərdə halsızlıq halının müşahidə olunduğunu, digərlərinin isə panikaya düşdüyünü bildirib. 

Onun sözlərinə görə, şagirdlər müayinə olunub, ehriyacı olanlara tibbi yardım göstərilib və sağlıq durumları tam stabildir.

***

Mingəçevirdə məktəbdə qəfil halı pisləşən 10-na yaxın şagird təcili xəstəxanaya aparılıb.

Bizim.Media-nın yerli bürosu xəbər verir ki, hadisə 3 saylı orta məktəbdə baş verib.

İlkin məlumata görə, 6-ci sinif şagirdəri arasında dərs zamanı qəfil narahhatlıq yaşanıb. Uşaqlarda halsızlıq, bəzilərində isə qusma halları müşahidə olunub.

Hadisənin nədən qaynaqlandığı məlum deyil.

Uşaqlara göstərilən ilkin tibbi yardım sayəsində onların durumu stabilləşib.

Faktla bağlı araşdırma aparıllr.

Ehtiram Muradov, Bizim.Media