Xanımı şəhid jurnalistin ölümü BARƏDƏ: "Fikirləşirdim ki, niyə zəng etmir?" - FOTO

Hazırda oxunan: Xanımı şəhid jurnalistin ölümü BARƏDƏ: "Fikirləşirdim ki, niyə zəng etmir?" - FOTO

69917

"Məhərrəmlə son danışmağımız iyunun 4-də səhər saatlarında olub. Söhbət əsnasında oğlumuz Uğuru soruşdu. Mən də böyük oğlumuz Uğurun 1-ci sinfi bitirməsi münasibətilə məktəb yoldaşları ilə birgə şəkil çəkdirirdiyini dedim".

Bu sözləri Bizim.Media-ya şəhid jurnalist Məhərrəm İbrahimovun həyat yoldaşı Bahar İbrahimova onun Qubada keçirilən anım günündə deyib.

Saçlarına vaxtsız ağ dən düşmüş şəhid jurnalistin xanımı Uğurun həmin gün vinetka çəkilişinin yarımçıq qaldığını dedi:

"Həmin zəngdən sonra ondan xəbər çıxmadı. Fikirləşirdim, Məhərrəm niyə zəng etmir? Parkda şəkil çəkdirirdik ki, birdən bu xəbəri eşitdik. O an sanki gözlərim qaraldı, dünya başıma fırlandı. Əvvəlcə dedilər Məhərrəm yaralıdır amma daha sonra bu acı həqiqəti eşitdim",-deyə şəhid jurnalistin həyat yoldaşı bildirib.

Qeyd edək ki, mətbuat nümayəndələri Məhərrəm İbrahimovla Sirac Abışov 2021-ci il iyun ayının 4-də Kəlbəcərin Susuzluq kəndi ərazisində mina partlayışı nəticəsində şəhid olublar.
Allah rəhmət eləsin!

Aytəkin Alxaslı,Bizim.Media