“Hadisə AzTV-də və ya TV-də yayımlanan hansısa verilişdə baş verməyib. Tofiq Abbasov AzTV-nin əməkdaşı olmaqla yanaşı, həm də siyasi ekspertdir və onun müstəqil ekspert olaraq hansısa kənar verilişdə dediyi sözə və ya etdiyi hərəkətə görə AzTV məsuliyyət daşımır”.
Bu sözləri Bizim.Media-ya açıqlamasında AzTV-nin mətbuat katibi Nərgiz Rəfiyeva bildirib.
MÖVZU İLƏ BAĞLI:
Azərbaycanda canlı yayımda dava: Pənah Hüseynin burnu qırıldı - VİDEO
Onun sözlərinə görə, televiziya rəhbərliyi Tofiq Abbasovla şəxsən söhbət aparıb:
“AzTV-də insidentlə bağlı iclas keçirilməyib. Amma təbii ki, rəhbərlik hadisədən sonra T. Abbasovla görüşüb və öz iradını bildirib”.
Qeyd edək ki, Sabiq baş nazir Pənah Hüseynlə tanınmış tele-jurnalist, siyasi şərhçi Tofiq Abbasovun “Musavat TV” efirində əlbəyaxa davası artıq ölkə mediasının gündəminə düşüb. Tofiq Abbasov həmçinin AzTv-də yayımlanan “Hədəf” verlişinin aparıcısı həm də ictimai-siyasi proqramlar redaksiyasının baş redaktorudur.
Səkinə Yusibli, Bizim.Media
