Alimlər insan həyatındakı ən yorucu onilliyi açıqladı

Alimlər insan həyatında ən yorucu dövrün 40 yaşından sonra başladığını bildirirlər. Bristol Universitetinin anatomiya professoru Mişel Spirə görə, bu yaşda bədən hələ enerji istehsal edə bilir, lakin əvvəlki qədər effektiv deyil, eyni zamanda karyera, ailə və stress kimi tələblər maksimuma çatır.

Bizim.Media xəbər verir ki, 40 yaşdan sonra əzələ kütləsi azalır, yuxu keyfiyyəti pisləşir və stressə qarşı həssaslıq artır. Qadınlarda əlavə olaraq premenopauza dövründə hormonal dəyişikliklər də rol oynayır.

Alimlər vurğulayırlar ki, enerji azalması müvəqqətidir və 60 yaşdan sonra bir çox insanlarda vəziyyət sabitləşir. Daimi yuxu, güc məşqləri və balanslı qidalanma hər yaşda enerjili qalmağa kömək edir.

Bizim.Media