Xəbər verdiyimiz kimi, ötən axşam Şəki şəhərində baş verən qəzada 3 nəfər yaralanıb.
MÖVZU İLƏ BAĞLI:
Bizim.Media-nın yerli bürosu xəbər verir ki, “Opel” və “Hyudai” markalı avtomobillərin toqquşması nəticəsində “Opel”in sürücüsü 46 yaşlı Murad İmaməliyev, eləcədə sərnişinləri 36 yaşlı Pərviz Əhmədov və 45 yaşlı Rəşad Məmmədov müxtəlif dərəcəli bədən xəsarətləri alıb.
Şəki Rayon Mərkəzi Xəstəxanasından verilən məlumata əsasən, müayinələrdən sonra “Opel”in sürücüsü Murad İmaməliyevdə döş qəfəsinin və diz oynağının əzilməsi, sərnişinlər Pərviz Əhmədovun kəllədaxili travma, döş qəfəsinin əzilməsi və hər baldırın səthi travması, Rəşad Məmmədovun isə kəllədaxili travma, hər iki dizin səthi travması, boynun səthi travması, döşq qəfəsinin əzilməsi müəyyən edilib.
Yaralıların həyatı təhlükəsi yoxdur və müalicələri davam etdirilir.
Baş vermiş yol qəzası ilə bağlı araşdırma aparılır.
Tural Rasimoğlu, Bizim.Media, Şimal-Qərb bürosu
