Bakı Dövlət Universitetinin Psixoloji yardım sektorunun nəzdində fəaliyyət göstərən “Psixologiya klubu”nun yeni tədris ilində tələbələr üçün ilk təlimi keçirilib.
Görüşün əvvəlində tələbələrlə tanışlıq xarakterli praktiki çalışma yerinə yetirilib. Tələbələrin "Psixologiya klubu”ndan gözləntiləri qeydə alınıb.
Təlimdə tələbələrə psixoterapiyanın əsasları, psixoloji konsultasiyadan fərqi izah olunub. Psixoloqa müraciət edən insanlara düzgün, professional yanaşma ilə bağlı məlumat verilib.
“Psixologiya klubu”nun təlimləri davam edəcək.
Qeyd edək ki, BDU-nun Psixoloji yardım sektorunun nəzdində “Psixologiya klubu" bu ilin mart ayında yaradılıb. Klubun yaradılmasında məqsəd gənclər arasında maarifləndirmə işləri aparmaq, müxtəlif psixoloji mövzuların müzakirəsini təşkil etməkdir.
