Hövsanda 2 000 manatlıq samovarlar oğurlanıb.
Bu barədə Bizim.Media-ya Daxili İşlər Nazirliyindən (DİN) məlumat verilib.
Qeyd olunub ki, Suraxanı RPİ-nin 30-cu Polis Şöbəsinə yanvarın 20-də Hövsan qəsəbəsindəki evlərdən birinin zirzəmisindən 2000 manat dəyərində 3 ədəd samovarın oğurlanması barədə məlumat daxil olub.
MÖVZU İLƏ BAĞLI:
Sumqayıt sakinləri Qubada oğurluq etdilər – VİDEO-FOTO
Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini S.Vəlizadə qısa müddətdə müəyyən edilərək saxlanılıb.
Ətrafında aparılan tədbirlərlə onun daha bir evdən 1500 manat dəyərində məişət əşyaları, bir həyətyanı sahədən isə 1400 manat dəyərində təmir-tikinti alətləri oğurlaması da müəyyən edilib.
Faktla bağlı araşdırma aparılır.
Bizim.Media
