“Erməni cinayətləri ilə bağlı bütün hallar tərəfimizdən rəsmiləşdirilib, sübutlar toplanılıb".
Bizim.Media xəbər verir ki, bunu Azərbaycanın Baş prokuroru Kamran Əliyev jurnalistlərə açıqlamasında deyib.
Onun sözlərinə görə, Ermənistanın Azərbaycana qarşı törətdiyi cinayətlərə görə təzminat məsələsi ilə bağlı işlər davam edir:
MÖVZU İLƏ BAĞLI:
Kamran Əliyev 20 Yanvar hadisələrinin istintaqından DANIŞDI
“Hərbi Prokurorluğun xüsusi şöbəsi erməni cinayətləri ilə bağlı məsələni üzərinə götürüb. Bütün hallar tərəfimizdən rəsmiləşdirilir və sübutlar toplanılır. Bunlar həm beynəlxalq məhkəmələrə gedəndə də istifadə olunur, həm də ikitərəfli qaydada həmin şəxslərin tapılması, təhvil verilməsi istiqamətində işlərimiz davam edir. Bir neçə belə hallar olub.
Biz artıq bununla bağlı mətbuata əvvəllər də bildirmişik ki, əvvəllər də Azərbaycana qarşı törədilmiş cinayətlərdə iştirak edən erməni əsilli şəxslər məsuliyyətə cəlb ediliblər və cəzalar alıblar”.
Bizim.Media
