Siqareti birdən tərgitməyin 6 FƏSADI – İmmunitetiniz zəifləyə bilər...

Tütün məhsullarından istifadənin zərərlərini saymaqla bitirmək mümkün deyil. Lakin tütünü, xüsusilə də, bütün dünyada ən çox istifadə olunan tütün məhsulunu - siqareti həyatımızdan çıxardıqdan sonra bəzi mənfi təsirlərlə də qarşılaşa bilərik.

Bizim.Media siqareti tərgitməyin bəzi mənfi nəticələrini təqdim edir:

• İmmunitetin zəifləməsi. Nikotin və digər zərərli kimyəvi birləşmələrin daimi tədarükünə öyrəşmiş (və tütün tüstüsünün tərkibində bunlardan 3 mindən çoxu var) şəxslərin immunitet sistemi siqareti tərgitdikdən sonrakı ilk həftələrdə stimullaşdırıcısını itirir və zəifləyir. Nəticədə bəzi insanlar erkən mərhələdə soyuqdəymə və ya virusa yoluxur.

• Ağızdaxili yaralar. Araşdırmalara görə, bu zərərli vərdişi tərgitdikdən sonra, dodaqlarda, yanaqların daxili hissəsində yaralar əmələ gələ bilər. Bəzən siqareti buraxdıqdan sonra insanlarda stomatit inkişaf edə bilir.

• Öskürək. Nikotin ağciyərlərə daxil olmağı dayandırdıqda, ciyərlər bədənə yığılmış tütün kanserogenlərindən azad etməyə çalışır. Və bunu edə biləcəyi yeganə yol öskürəkdir. Buna görə də, ilk günlərdə və bəzən həftələrdə boğaz ağrısından əziyyət çəkirsinizsə, bu, bədənin bərpa olunduğunu göstərir.

• Əsəbiliyin artması və əhvalın pisləşməsi. Siqareti atdıqdan sonra daha çox əsəbiləşdiyinizi, stresli vəziyyətlərə daha az müqavimət göstərdiyinizi hiss edə bilərsiniz. Bu vəziyyət hər bir insanda fərqli şəkildə, bəlkə bir neçə gün, bəlkə də bir neçə həftə davam edir. Amma bu simptomun da bir müddətdən sonra yoxa çıxması faktdır. 

Bu baxımdan Amerika alimlərinin apardıqları araşdırma isə bu iddianın tam əksini göstərir. 

Məşhur stereotipdən fərqli olaraq, tədqiqata görə, siqareti buraxdıqdan sonra təsir tamamilə əksinədir: qısa müddətə siqareti buraxmaq əhval-ruhiyyəni əhəmiyyətli dərəcədə yaxşılaşdırır.
• Enerji itkisi və diqqətsizlik. Siqareti buraxdıqdan sonra qan şəkərinin səviyyəsi kəskin şəkildə azalır. Bunun nəticəsi müxtəlif xəstəliklərdir: baş ağrısı, unutqanlıq, koordinasiya itkisi və vaxtın səhv qavranılması.

• Kökəlmək. Bir çox insan üçün siqareti tərgitməyin ən böyük maneəsi kökəlmək qorxusudur. Əslində, siqareti tərgitmiş insanlar daha tez-tez yemək haqqında düşünürlər. Ancaq statistikaya görə, çəki yalnız qadınların 49% -ində və kişilərin 55% -ində artır. Bundan əlavə, qazandığınız maksimum məbləğ 5 kq ola bilər və düzgün həyat tərzi ilə 2-3 aydan sonra əvvəlki bədən quruluşuna qayıtmaq mümkündür.

Lakin ümumilikdə, siqaretin tərgidilməsi zamanı meydana çıxan bu simptomların mütləq əksəriyyəti müvəqqəti səciyyə daşıyır və bir müddətdən sonra öz təsirlərini itirir.

Bu səbəbdən də, siqareti tərgitmək istəyən şəxslərin qeyd olunan mənfi nəticələri bəhanə olaraq ortaya atması heç də düzgün deyil.

Bizim.Media