Komandan Quru Qoşunlarına tapşırıqlar verdi: "Ayıq-sayıqlıq artırılsın" - FOTO

Müdafiə nazirinin tapşırığına əsasən, müdafiə nazirinin müavini – Quru Qoşunların komandanı general-leytenant Ənvər Əfəndiyev bayramlar münasibətilə Komandanlığın tabeliyindəki hərbi hissələrdə olub.

Bu barədə Bizim.Media-ya Müdafiə Nazirliyindən məlumat verilib.

Nazir müavini şəxsi heyətin sosial-məişət və xidmət şəraiti ilə maraqlanıb.

Dünya Azərbaycanlılarının Həmrəylik Günü və Yeni il bayramı münasibətilə müdafiə nazirinin təbriki şəxsi heyətə çatdırılıb.

General-leytenant Ə.Əfəndiyev xüsusilə bayram günlərində ayıq-sayıqlığın artırılması, döyüş növbətçiliyinin və qoşun xidmətinin təşkili, şəxsi heyətin döyüş qabiliyyətinin daha da yüksəldilməsi ilə bağlı müvafiq tapşırıqlar verib.

Sonda hərbi qulluqçulara bayram sovqatları təqdim edilib və hərbi xidmətdə fərqlənənlər təltif olunub.

Bizim.Media