Moderator.az-a müraciət edən Ucar rayonu S. Vurğun küçəsi ev 21-də məskunlaşan Əhmədov Hüseyn Canpolad oğlu 1 saylı Maştağa Ruhi Əsəb Dispanserinin Narkalogiya şöbəsinin müdiri ilə bağlı ciddi ittihamlar səsləndirib:
“Azərbaycan
Respublikasının Səhiyyə Nazirliyi 1 saylı Ruhi Əsəb Dispanserində
açıq-aşkar korrupsiya, özbaşınalıq, soyğunçuluq baş alıb gedir. Bu
özbaşınalığın qarşısını alan yoxdur. Atam Əhmədov Canpolad Ağali oğlu 1 ildir
ki, 1 saylı Maştağa Ruhi Əsəb Dispanserində Narkalogiya şöbəsində
müalicə olunur. Özü də I qrup əlildir. Həmin şöbənin Şəhanə adlı baş həkimi
atamın pensiya kartını götürüb indiyə qədər pensiyasını alıb mənimsəmişdir.Bundan
başqa biz hər ay Şəhanə həkimə istədiyi pulu vermişik ki, atamı yaxşı
müalicə etsin. Biz elə bilmişik ki, bu belə olmalıdır, xəstənin təqaüdünü
müalicə həkimi almalıdır. Bizə məlum olandan sonra ki, bu qanunsuzluqdur, yəni aldanmışıq,
20.08.2014-cü il tarixdə Şahanə həkimdən atamın pensiya kartını geri istədik.
O,səs-küy saldı, dedi bu, qanunidir, ruhi xəstənin pensiyasını baş həkim
almalıdır. Qeyd edim ki. Bir ildir ki, atamın pensiyasını Şəhanə həkim alıb mənimsəyir,
bundan başqa hər ay bizdən müalicə pulu alır. Şahanə həkim indiyədək bizi
soyub. Mən bu qanunsuzluqla əlaqədar bütün aidiyyatı orqanlara - Korrupsiyaya Qarşı Mübarizə İdarəsinə , səhiyyə
naziri Oktay Şirəliyevə, ombudsmana həm yazılı, həmdə qaynar xəttlərlə zəng
edib şikayət etmişəm. Oktay Şirəliyevin tabeçiliyində baş alıb gedən açıq-aşkar
soyğunçuluqdan məlumatı yoxdusa bilsin və qanunu tədbir görsün. Mən bilirəm ki,
bizim şikayətlərimizdən sonra atamın həyatı təhlükədə olacaq. Buna görə də
mətbuat vasitəsi ilə də prezidentə , baş prokurora, səhiyyə naziri Oktay Şirəliyevə,
Korrupsiyaya Qarşı Mübarizə İdarəsinin rəhbərinə və ombudsmana müraciət edib
xahiş edirəm bizə kömək edin, korrupsiyaya qurşanmış 1 saylı Ruhi Əsəb
Dispanserinin Şəhanə adlı həkimi barədə qanunu tədbirlər görəsiniz...”
