Dekabrın 19-da Daxili İşlər Nazirliyinin (DİN) “102 Zəng Mərkəzi”nə zəng edən Cəlilabad şəhər sakini F.Quliyev yaşadığı evdə atası, əvvəllər məhkum olunmuş Faiq Quliyevin sərxoş vəziyyətdə münaqişə yaratdığını və onları öldürməklə hədələdiyini bildirib.
DİN-dən Bizim.Media-ya verilən məlumata görə, Cəlilabad Rayon Polis Şöbəsinin əməkdaşları dərhal həmin ünvana gəliblər.
F.Quliyev nizam-intizama dəvət olunub, lakin o, polis əməkdaşlarını təhqir edib və qaz sobasının üzərindən götürdüyü dəmir tava ilə polis əməkdaşlarından birinə xəsarət yetirib.
Faktla əlaqədar Cinayət Məcəlləsinin 221.3-cü maddəsi ilə (Xuliqanlıq - silahdan və ya silah qismində istifadə olunan əşyalardan istifadə edilməklə törədilməsi zərərçəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) cinayət işi başlanıb.
Xəsarət almış polis əməkdaşına xəstəxanada ilkin tibbi yardım göstərilib.
Hadisə ilə bağlı F.Quliyev saxlanılıb.
Bizim.Media
- A-
- A
- A+
Cəmiyyət
12:47 / 20.12.2021
Azərbaycanda polisə tavayla xəsarət yetirildi - DETALLAR
Hazırda oxunan: Azərbaycanda polisə tavayla xəsarət yetirildi - DETALLAR
Hazırda oxunan: Azərbaycanda polisə tavayla xəsarət yetirildi - DETALLAR
51531
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
