26 yaşlı hərbçimiz vəfat etdi - RƏSMİ

Hazırda oxunan: 26 yaşlı hərbçimiz vəfat etdi - RƏSMİ

50002

Dövlət Sərhəd Xidmətinin (DSX) hərbi qulluqçusu vəfat edib.

Bizim.Media xəbər verir ki, bununla bağlı DSX məlumat yayıb.

Bildirilib ki, dekabr ayının 10-da saat 10:30 radələrində Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının müddətdən artıq həqiqi hərbi xidmət hərbi qulluqçusu 1995-ci il təvəllüdlü baş çavuş Məmmədzadə Pərviz Baba oğlunun xidmət etdiyi hərbi hissədə ilkin ehtimala görə ürəktutmasından halı pisləşib.

Onun dərhal Qazax Rayon Mərkəzi Xəstəxanasına çatdırılması üzrə zəruri tədbirlərin görülməsinə baxmayaraq, hərbi qulluqçu yolda dünyasını dəyişib.

Hazırda baş çavuş P.Məmmədzadənin ölüm səbəbinin araşdırılması üzrə müvafiq tədbirlər həyata keçirilir.

Dövlət Sərhəd Xidmətinin rəhbərliyi vəfat edən hərbi qulluqçumuzun ailəsinə və yaxınlarına dərin hüznlə başsağlığı verir.

Bizim.Media