“Azəriqaz”ın baş direktorundan qazın təzyiqi ilə bağlı AÇIQLAMA

“Azəriqaz” İstehsalat Birliyinin (İB) Baş direktoru Ruslan Əliyev bu gün keçirdiyi mətbuat konfransında qazın təzyiqi ilə bağlı sualı cavablandırıb.

Bizim.Media-nın məlumatına görə, direktor bəzi ərazilərdə qazın təzyiqi ilə bağlı problemlərin qalması mümkün olduğunu istisna etməsə də,  son illərdə bu problemlə bağlı müraciətlərin azaldığını diqqətə çatdırıb.

“Bu gün səhər “Azəriqaz” İstehsalat Birliyinə qazın təzyiqi ilə bağlı müraciət daxil olmayıb. Bu barədə müraciətlərin sayı son illərdə `kifayət qədər azalıb. Qazın təzyiqi ilə bağlı müraciətlər müxtəlif səbəblərə bağlıdır. Bəzi ərazilərdə təzyiqlə bağlı problemlər ola bilsin ki, hələ də qalıb. Biz bu gün də qazın təzyiqi ilə bağlı müraciətləri qəbul etməyə hazırıq və problemin həllinə baxa bilərik”, - deyə Ruslan Əliyev vurğğulayıb.

Bizim.Media