Nikah və boşanma rüsumu qaldırıldı

Nikahın qeydə alınması üçün dövlət rüsumu 5 manatdan 10 manata qaldırılıb.

Bizim.Media xəbər verir ki, məsələ Milli Məclisin bu gün keçirilən iclasında “Dövlət rüsumu haqqında” qanunda öz əksini tapıb.

Qanuna dəyişiklik I oxunuşda qəbul edilib.

Bundan başqa, müvafiq qanun layihəsinə əsasən, yetkinlik yaşına çatmamış ümumi uşaqları olmayan ər-arvadın qarşılıqlı razılığı, həmçinin məhkəmə qətnaməsi əsasında (qətnamədə dövlət rüsumunun tərəflərdən hansının ödəməli olduğu göstərilmədikdə, qeydiyyat üçün birinci müraciət etmiş tərəfdən) nikahın pozulmasının qeydə alınması üçün dövlət rüsumunun məbləği 15 manatdan 20 manata dəyişdirilir.

Vüsalə Balayeva