“Bir çox rəhbər heyətə də əməliyyatların başlanması anından bir neçə saat sonra məruzə etmişəm ki, hansı vaxtda oranı alacağıq”.
Bizim.Media xəbər verir ki, bu sözləri Vətən Müharibəsi Qəhrəmanı, Xüsusi Təyinatlı Qüvvələrin komandanı, general-leytenant Hikmət Mirzəyev “Şuşa, sən azadsan!” sənədli filmində deyib.
Şuşanın azad olunmasından danışan general bildirib ki, Hadrut və Füzulini aldıqdan sonra gecə-gündüz yerdən və havadan Şuşanın kəşfiyyatı aparılıb:
MÖVZU İLƏ BAĞLI:
Şuşa fatehinin özəl gününə hazırlanmış tort – VİDEO
“Əməliyyatda mənim tərəfimdən bəzi xüsusi tələblər qoyulmuşdu. İçimizdə daima o hiss oldu ki, biz Şuşanı azad edəcəyik. O inam bizdə vardı.
Əməliyyatın ilk günü mən tam əmin idim ki, Şuşanı təmizləyəcəyik. Bununla bağlı Müdafiə Nazirliyində bir neçə nəfərə demişdim.
Vətən Müharibəsində xüsusi təyinatlıların həlledici rolu və tarixə keçəcək əfsanəvi şücaəti danılmazdır. Bizim şəxsi heyətimiz bütün risklərə hazır idi və bunu göz önünə alaraq düşmənin edə bilməyəcəyi şeyləri bizimkilər həyata keçirə bildilər”.
Bizim.Media
