Braziliya-Azərbaycan parlamentlərarası dostluq qrupunun Senatdakı sədri Antonio Anastasia Gəncə şəhərinə səfər edib.
Bizim.Media-nın məlumatına görə, Antonio Anastasia Ermənistanın Gəncə şəhərində əhalinin sıx məskunlaşdığı ərazilərə baş çəkib.
Erməni terroru zamanı həlak olan dinc sakinlərin xatirəsinə ehtiram əlaməti olaraq, dağılmış evlərin ətrafına gül düzülüb.
MÖVZU İLƏ BAĞLI:
ABŞ səfiri Gəncə terrorunda həlak olanların xatirəsini yad etdi - FOTO
Qonağa məlumat verilib ki, işğalçı Ermənistanın silahlı qüvvələri beynəlxalq hüququn norma və prinsiplərini pozaraq Azərbaycanın dinc əhalisini qəsdən hədəfə almaqla yaşayış məntəqələrini ağır artilleriyadan atəşə tutub.
Ermənistan ordusunun Gəncədə törətdiyi müharibə cinayəti nəticəsində aralarında uşaq, qadın və yaşlıların da olduğu 26 nəfər həlak olmuş, 175 nəfər yaralanmış, çoxsaylı mülki infrastruktur obyektlərinə və nəqliyyat vasitələrinə külli miqdarda ziyan dəydiyi bildirilib.
Bizim.Media
