Qarabağ və Şərqi Zəngəzur iqtisadi rayonları ərazisində işğaldan azad edilən rayon və kəndlərin sosial-iqtisadi inkişafında mühüm rol oynayacaq yol infrastrukturu layihələrindən biri Şükürbəyli-Cəbrayıl-Hadrut avtomobil yoludur.
Bizim.Media xəbər verir ki, başlanğıcını Hacıqabul-Mincivan-Zəngəzur dəhlizi magistral avtomobil yolunun Cəbrayıl rayonu Şükürbəyli kəndindən keçən hissəsindən götürməklə Xocavənd rayonunun Hadrut qəsəbəsinə qədər uzanır.
Tikintisi aparılan yolun uzunluğu 39.7 kilometrdir.
MÖVZU İLƏ BAĞLI:
Zəngilanı Naxçıvanla birləşdirən yolun inşası necə gedir? - FOTO
Şükürbəyli-Cəbrayıl-Hadrut avtomobil yolu Qarabağın inkişaf planı nəzərə alınmaqla 4 hərəkət zolaqlı olmaqla I texniki dərəcəyə uyğun inşa edilir.
Sözügedən avtomobil yolu boyunca torpaq işləri və suni qurğuların inşası aparılır. Yolun genişləndirilərək profilə salınması və I texniki dərəcəyə uyğun 21.5 metr enində yol yatağının inşası davam etdirilir.
Bizim.Media
