Sumqayıtda iki azyaşlı uşaq oğurlanıb? – DİN-dən açıqlama 

Sumqayıt şəhərində iki azyaşlının oğurlanması ilə bağlı sosial şəbəkələrdə məlumat yayılıb. 

Bizim.Media xəbər verir ki, hadisənin Sumqayıtın 4-cü mikrorayonu ərazisində qeydə alındığı iddia olunub. 

Bildirilib ki, Sumqayıt şəhəri, 4-cü mikrorayon ərazisində tüfeyli geyimində olan şəxs və ya şəxslər iki qardaşı götürüb aparıblar. 

Məsələ ilə bağlı Daxili İşlər Nazirliyinin Mətbuat xidmətinin şöbə rəisi, polis mayoru Elşad Hacıyev bildirib ki, yayılan məlumatlar həqiqəti əks etdirmir:  

"Sumqayıt şəhərində belə bir hadisə olmayıb. Məlumat həqiqətə uyğun deyil, əsassızdır. idaillar yoxlanılıb təsdiqini tapmayıb". 

Bizim.Media