Rusiya Federasiyası Prezidentinin 15 iyun 2021-ci il tarixli 364 nömrəli Fərmanına əsasən, xarici vətəndaşların Rusiya Federasiyasında müvəqqəti qalma müddəti 2021-ci ilin 30 sentyabr tarixinədək uzadılıb.
Diasporla İş üzrə Dövlət Komitəsindən Bizim.Media-ya verilən məlumata görə, Komitə Rusiyada yaşayan azərbaycanlıların diqqətinə bir daha çatdırır ki, bununla əlaqədar olaraq, həmvətənlərimizə hüquqi vəziyyətlərini tənzimləmək üçün ən qısa müddət ərzində faktiki olduqları yerdə Rusiya Daxili İşlər Nazirliyinin ərazi orqanının miqrasiya məsələləri üzrə bölməsinə müraciət etməli, miqrasiya qeydiyyatından keçməli və ya müvafiq iş patentini əldə etməli, müddəti keçmiş sənədlərinin vaxtını uzatmalıdır.
Bunun üçün Rusiya Federasiyasında müvəqqəti qalmaq üçün müddətin uzadılması haqqında əsaslandırılmış ərizə və şəxsiyyəti təsdiq edən sənəd, həmçinin Rusiya Federasiyası ərazisində müvəqqəti qalma müddətinin uzadılması haqqında nişanın qoyulması məqsədi ilə miqrasiya kartı (olduğu təqdirdə) təqdim etməlidir.
Miqrasiya kartı itirildiyi və ya zədələndiyi təqdirdə, həmvətənlərmiz miqrasiya kartının dublikatını almaq üçün faktiki olduqları yerdə Rusiya Daxili İşlər Nazirliyinin ərazi orqanının miqrasiya məsələləri üzrə bölməsinə müraciət edərkən bu haqda məlumat verməlidir.
Qeyd edək ki, Rusiya Daxili İşlər Nazirliyinin məlumatına görə, hazırda Rusiya Federasiyası ərazisində hüquqi statusu tənzimlənməmiş 100 minə yaxın Azərbaycan Respublikasının vətəndaşı yaşayır.
“Yuxarıda qeyd edilənləri diqqətə alaraq, bir daha hüquqi statusu tənzimlənməmiş həmvətənlərimizi bu məlumatı nəzərə almağı və ən qısa müddət ərzində qəbul olunmuş qərarın tələblərinə riayət edərək lazımi tədbirlər görməyi xahiş edirik”, - deyə Komitədən bildirilib.
Bizim.Media
![Diaspor Komitəsindən Rusiyada yaşayan azərbaycanlılara MÜRACİƏT Diaspor Komitəsindən Rusiyada yaşayan azərbaycanlılara MÜRACİƏT](https://bizim.media/file/articles/2021/08/06/1628254804_0de-4-kcur.jpg)
- A-
- A
- A+
Cəmiyyət
16:59 / 06.08.2021
Diaspor Komitəsindən Rusiyada yaşayan azərbaycanlılara MÜRACİƏT
Hazırda oxunan: Diaspor Komitəsindən Rusiyada yaşayan azərbaycanlılara MÜRACİƏT
Hazırda oxunan: Diaspor Komitəsindən Rusiyada yaşayan azərbaycanlılara MÜRACİƏT
31490
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.