Biləsuvar rayonunda bir qrup yerli sakin su problemi ilə əlaqədar olaraq bu gün rayon icra hakimiyyətinin yerləşdiyi küçəni bağlamağa cəhd ediblər.
Bizim.Media xəbər verir ki, Daxili İşlər Nazirliyinin Mətbuat xidmətinin Lənkəran regional qrupunun baş inspektoru, polis baş leytenantı Məhəmməd Rzayevin verdiyi məlumata görə, rayonun Yuxarı Cürəli və Təzəkənd kənd sakinləri icra hakimiyyətinin yerləşdiyi küçəni bağlamağa cəhd edərək, nəqliyyatın hərəkətinə mane yaradıblar.
Bu zaman ərazidə xidmət aparan polis əməkdaşları onlara bununla bağlı xəbərdarlıq edib. Xəbərdarlığlara riayət etməyən və ictimai asayişi pozan bir neçə rayon sakini polis şöbəsinə gətirilib.
Digər sakinlər isə problemlə əlaqədar olaraq rayon İcra Hakimiyyətinin başçısı və adiyyatı qurumların rəhbərləri tərəfindən qəbul edilib.
Onların şikayətləri dinlənilib və problemlərinin həlli istiqamətində tədbirlər görülür.
Bizim.Media
![Biləsuvarda yolu kəsməyə cəhd edənlər saxlanıldı - DİN-dən açıqlama Biləsuvarda yolu kəsməyə cəhd edənlər saxlanıldı - DİN-dən açıqlama](https://bizim.media/file/articles/2021/07/28/1627462866_0de-4-kcur.jpg)
- A-
- A
- A+
Cəmiyyət
13:00 / 28.07.2021
Biləsuvarda yolu kəsməyə cəhd edənlər saxlanıldı - DİN-dən açıqlama
Hazırda oxunan: Biləsuvarda yolu kəsməyə cəhd edənlər saxlanıldı - DİN-dən açıqlama
Hazırda oxunan: Biləsuvarda yolu kəsməyə cəhd edənlər saxlanıldı - DİN-dən açıqlama
30222
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.