Ali təhsil müəssisələrinin və AMEA-nın magistraturalarına qəbul olmuş bakalavrların qeydiyyat müddəti uzadılıb.
Dövlət İmtahan Mərkəzindən Bizim.Media-ya verilən məlumata görə, qeydiyyat müddəti 26 iyul saat 23:59-dək uzadılıb.
Bakalavrlar platformasında qeydiyyatdan keçməli, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçməlidirlər.
MÖVZU İLƏ BAĞLI:
Magistraturaya qeydiyyatla bağlı mərkəzlər yaradıldı - SİYAHI
Qeydiyyatdan keçməyən bakalavrlar qəbul olunanların siyahısından xaric ediləcəklər.
Qeyd edək ki, ali təhsilin magistratura səviyyəsinə qəbul olmuş şəxslərin qeydiyyatı portal.edu.az platformasında Təhsil Nazirliyi tərəfindən aparılır. Ali təhsil müəssisələrinin və AMEA-nın magistratura səviyyəsinə qəbul olmuş şəxslər iyulun 13-dən etibarən elektron qaydada qeydiyyatdan keçirlər.
21 iyul səhər saatlarına olan məlumata əsasən 8941 (83 %) bakalavr müraciətini sistemə daxil edib.
Ali təhsil müəssisələri tərəfindən hələlik 6574 (61 %) bakalavrın müraciəti qəbul olunub. Hazırda proses davam edir.
Bizim.Media
