Lənkəranda tanınmış hüquqşünas yol qəzasına düşüb.
Bizim.Media-nın yerli bürosunun məlumatına görə, hadisə şəhərin "Kiçik Bazar" ərazisində, dəniz kənarında baş verib.
Lənkəran rayon sakini, 1973-cü il təvəllüdlü Elçin Misir oğlu Ağayev idarə etdiyi "Land Rover" Discovery markalı avtomobil ilə "KİA" markalı minik avtomobili toqquşub. Qəza nəticəsində hər iki sürücü xəsarət alıb.
E.Ağayev müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasının Təcili yardım şöbəsinə yerləşdirilib.
Qeyd edək ki, o, Lənkəranda hüquşünas kimi tanınır və həmçinin məşhur müğənni Cavad Rəcəbovun yeznəsidir.
Faktla bağlı araşdırma aparılır.
Sabutay, Bizim.Media , Cənub bürosu
