Cəlilabad rayonunda 46 yaşlı kişini bıçaqlamaqda şübhəli bilinən şəxs saxlanılıb.
DİN-in Mətbuat Xidmətinin Lənkəran regional qrupundan Bizim.Media-ya bildirilib ki, 1979-cu il təvəllüdlü Nurəddin Əsgərova kəsici alətlə xəsarət yetirməkdə şübhəli bilinən şəxs polis əməkdaşları tərəfindən saxlanılıb.
Araşdırma aparılır.
***21:17
Cəlilabad rayonunun Adnalı kəndində ailə mübahisəsi faciə ilə nəticələnib.
Bizim.Media-nın yerli bürosu xəbər verir ki, kənd sakinləri Şəfəq Əsgərova ilə qardaşı Nurəddin Əsgərov arasında mülk üstündə baş verən mübahisə zamanı Şəfəq qardaşına iki bıçaq xəsarəti yetirib.
Yaralı Cəlilabad Mərkəzi Rayon Xəstəxanasına çatdırılıb. Məlumata görə, bacı və qardaş arasında əvvəllər də mübahisələr baş verirmiş.
Faktla bağlı araşdırma aparılır.
Sabutay, Bizim.Media, Qarabağ bürosu.
