Gədəbəyin Maarif kəndindən baş verən ağır yol qəzası zamanı ölən və xəsarət alanların kimliyi müəyyən olunub.
Bizim.Media-nın yerli bürosunun məlumatına görə, qəza zamanı Maarif kənd sakinləri 1981-ci il təvəllüdlü R. Bağırova və 2022-ci il təvəllüdlü U. Həsənov həyatını itirib.
"VAZ-2104"ün sürücü 1981-ci il təvəllüdlü R. Həsənəliyev və “NİVA”nın sürücü 2006-cı il təvəllüdlü R. Şirinov isə müxtəlif dərəcəli bədən xəsarətləri alaraq xəstəxanaya yerləşdiriliblər. Onlardan R. Həsənəliyevin vəziyyətinin ağır olduğu bildirilir. Faktla bağlı araşdırma aparılır.
Xatırladaq ki, dünən Gədəbəy rayonunun Maarif kəndində iki avtomobilin toqquşması nəticəsində 2 nəfər - qadın və uşaq ölüb, daha bir nəfər - 1981-ci il təvəllüdlü Ramiz Həsənəliyev ağır xəsarət alıb.
Məqsəd Rəhimov, Bizim.Media, Qərb bürosu
