“Məktəbli formalarıyla bağlı heç bir dəyişiklik yoxdur”.
Bu sözləri Bizim.Media-ya açıqlamasında Bakı Tikiş Evinin satış şöbəsinin müdiri Etibar Əzimov deyib.
O, məktəbli formalarının dizaynında dəyişikliklərin olunmasıyla bağlı mediada yayılan xəbərləri yalanlayıb və belə bir açıqlama vermədiyini deyib.
“2022-2023-ci ildə tətbiq olunan yeni model formaların ləğv olunması, yeni dizaynın yaradılmasıyla bağlı heç bir məlumat yoxdur. Bu dəyişikliyi Nazirlər Kabineti edir. Bizim səlahiyyətimizə aid deyil. Emblemlər məsələsi isə yeni qərar deyil, Nazirlər Kabinetinin qərarında da göstərilib ki, məktəblər öz emblemlərini formalarda qeyd edə bilərlər”.
Nəzrin Mirzəyeva, Bizim.Media
