Oğuzda “Opel”in qarşısına mal çıxması qəzaya səbəb olub.
Bizim.Media-nın yerli bürosu xəbər verir ki, qəza Qaraməryəm-İsmayıllı-Şəki avtomobil yolunun Oğuzun Kərimli kəndi ərazisindən keçən hissəsində baş verib.
"Opel" markalı avtomobilin qarşısına anidən mal çıxması sürücünün idarəetməni itirməsi ilə nəticələnib. Beləcə avtomobil yolun kənarındakı qaz xəttinə dəyərək onu zədələyib.
Rayonun Padar və Yemişənli kəndlərində 580 abonentə mavi yanacala təmin edən xəttdə baş verən zədələnmədən sonra qazın verilməsi müvəqqəti dayandırılıb. Qəza yerinə təmir briqadaları cəlb olunub. Zədələnmiş qaz xəttinin bərpası üzərində iş aparılır.
Faktla bağlı araşdırma aparılır.
Tural Rasimoğlu, Bizim.Media, Şimal-Qərb bürosu
