Məktəblini bıçaqlayan yeniyetmə azadlığa buraxıldı

Lənkəran Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Mikayıl Fərəcovun (ad, soyadı şərti) cinayət işi üzrə məhkəmə iclası başa çatıb.

Bizim.Media pravda.az-a istinadən xəbər verir ki, hakim Ayşən Vəliyevanın sədrliyi ilə keçirilən prosesdə hökm oxunub.

Məhkəmənin hökmü ilə ona şərti cəza verilib. Təqsirləndirilən şəxs barəsində seçilmiş həbs qətimkan tədbiri yetkinlik yaşına çatmayanı nəzarət altına vermə qətimkan tədbiri ilə əvəz edilib və Mikayıl Fərəcov həbsdə saxlanıldığı Bakı İstintaq Təcridxanasından dərhal həbsdən azad olunub.

İttihama görə, 16 mart 2024-cü il tarixdə Kürdəmir rayonu Sığırlı kənd tam orta məktəbinin həyətində qeydə alınıb.

Belə ki, həmin məktəbin 8-ci sinif şagirdi, 2010-cu il təvəllüdlü Mikayıl Fərəcov eyni məktəbin 9-cu sinif şagirdi, 2008-ci il təvəllüdlü həmkəndlisi olan zərərçəkmiş Vüqar Hacıyevlə (ad, soyadı şərti) mübahisə edib. Mübahisədən əvvəl isə Vüqar təqsirləndirilən şəxsin onun dostunun sevdiyi qız barəsində nalayiq ifadə işlədib-işlətməməsini aydınlaşdırmaq istəyib. Bu zaman zərərçəkmiş şəxs heç-bir əsaslı səbəb olmadan onun və ailə üzvlərinin ünvanına nalayiq söyüşlər söyüb.

Həmin gün saat 11 radələrində təhsil aldıqları məktəbdə olarkən Vüqar dostu tərəfindən Mikayılı dərsdən mübahisəyə çağırılıb. Məktəb binasının arxasında yerləşən küçədə aralarında olan münaqişəni aydınlaşdırarkən təqsirləndirilən şəxsin, eləcə də ailə üzvlərinin ünvanına yenidən nalayiq söyüşlər söyüblər. Bu zaman o, bıçaqla Vüqarın bədəninin müxtəlif nahiyələrinə qəsdən bir neçə dəfə zərbə vuraraq, ona xəsarət yetirib.

Hadisədən sonra Mikayıl Fərəcov saxlanılaraq cinayət məsuliyyətinə cəlb edilib və barəsində həbs qətimkan tədbiri seçilib.

Bizim.Media