“iPhone 17 Pro”nun növbəti versiyasında tanış üçbucaqlı konfiqurasiyada yerləşdirilmiş üç arxa kamera olacaq. Amma bu dəfə kameralar küncləri yuvarlaqlaşdırılmış yeni düzbucaqlı blokda yerləşdiriləcək.
Bizim.Media xəbər verir ki, YouTube kanalı “Front Page Tech” məlumat yayıb.
Kanalın aparıcısı Jon Prosser, kamera massivinin əvvəlki “iPhone” modellərindən əhəmiyyətli dərəcədə böyük olacağını söylədi. Kamera linzaları cihazın sol tərəfində, LED fənəri, arxa mikrofon və LiDAR skaneri isə sağ tərəfdə şaquli düzülüb.
Prosser qeyd edib ki, “iPhone 17 Pro” iki rəngli dizayna malik olacaq, kamera bloku korpusun qalan hissəsindən daha tünd rəngdədir.
Bu dəyişikliyin hər hansı praktiki fayda gətirəcəyi və ya sırf estetik məqsədlər üçün olduğu hələ aydın deyil.
O, məlumatın” iPhone 17 Pro”nun dizaynı ilə tanış olan çoxsaylı mənbələrdən alınan məlumatlara əsaslandığını və cihazı şəxsən gördüyünü iddia edir. Prosser bunu təsdiq etməsə də, yenilənmiş kamera blokunun “iPhone 17 Pro Max”da da istifadə ediləcəyi gözlənilir.
Bizim.Media
