Azərbaycanda süni balıq göllərinin sayı artıb.
Bizim.Media Xəzər TV-yə istinadən xəbər verir ki, mövzuya Azərbaycan Balıqçılar İttifaqının rəhbəri Əfqan Əliyev münasibət bildirib.
O deyib ki, suni balıq göllərinin sayının artmasının əsas səbəbi daxili su hövzələrində balıqların sayının kəskin azalmasıdır.
Təkcə Xəzər dənizində suyun səviyyəsinin enməsi nəticəsində 10 ildən çoxdur ki, balıqların sayı azalmağa doğru gedir. Bu isə yerli bazarda daxili tələbatı qarşılamaq üçün balıqçılıq təsərrüfatlarının artması ilə nəticələnir.
Əfqan Əliyevin sözlərinə görə, bu təsərrüfatla məşğul olan sahibkarlar əvvəllər ancaq kəmiyyət üçün çalışırdılar: "Lakin indi vətəndaşların "danba balığıdır" deyiminə görə təsərrüfat sahibləri daha keyfiyyətli balıq artırırlar".
O, qeyd edib ki, qarşıdakı müddətdə təbii su hövzələrində də balıqların yenidən artımı gözlənilir. Təkcə ötən il Balıqçılar İttifaqı tərəfindən su hövzələrinə 300 mindən çox balıq buraxılıb.
Bizim.Media
