Cəlilabad rayonunun Uzuntəpə kəndində yol-nəqliyyat hadisəsi baş verib.
Bizim.Media-nın yerli bürosu xəbər verir ki, "Vaz 2107" və "Prius" markalı minik avtomobillərinin toqquşması nəticəsində sonuncu aşıb.
Qəza nəticəsində 3 nəfər müxtəlif dərəcəli bədən xəsarətləri alıb və onlar dərhal rayon mərkəzi xəstəxanasına çatdırılıblar.
İlkin məlumatlara görə, xəsarət alan şəxslər rayona hüzr mərasiminə gələn qonaqlar olublar.
Faktla bağlı hüquq-mühafizə orqanları tərəfindən araşdırma aparılır.
Sabutay Nağıyev, Bizim.Media, Cənub bürosu
