Ölkə əhalisinin 49,9%-ndə ənənəvi dəyərlərə bağlılıq çox güclüdür.
Bizim.Media xəbər verir ki, bu barədə Sosial Tədqiqatlar Mərkəzi məlumat verib.
Məlumatda deyilir ki, Mərkəzin keçirdiyi sorğular cəmiyyətin ənənəvi dəyərlərə bağlılıq səviyyəsinin yüksək olduğunu göstərir.
İctimai rəy sorğusunun nəticəsinə əsasən, respondentlərin 49,9%-i özünün ənənəvi dəyərlərə bağlılığını “güclü”, 30,7%-i “orta” səviyyədə qiymətləndirib. Sorğuda iştirak edənlərin 18,1%-i ənənəvi dəyərlərə bağlılığını “zəif” olaraq xarakterizə edib və 1,3%-i bu barədə rəy bildirməkdə çətinlik çəkib.
Respondentlər arasında kişilərin 54,3%-i, qadınların 45,3%-i ənənəvi dəyərlərə bağlılığının güclü olduğunu ifadə edib. Bu göstərici şəhərdə yaşayan respondentlər arasında 44,0%-ə, qəsəbədə yaşayanlar üzrə 57,5%-ə və kəndlərdə məskunlaşanlar üzrə 52,8%-ə bərabər olub.
Surxay Atakişiyev, Bizim.Media
