Şuşada baş verən qəzada xəsarət alanların son vəziyyəti açıqlanıb.
TƏBİB-dən Bizim.Media-ya verilən məlumata görə, 21 sentyabr 2024-cü il tarixində Şuşa şəhərində baş verən ağır yol-nəqliyyat hadisəsi nəticəsində 5 nəfər xəsarət alıb.
MÖVZU İLƏ BAĞLI:
Şuşada mikroavtobus aşıb, xəsarət alanlar var
Onlar dərhal Bərdə Rayon Mərkəzi Xəstəxanasının Təcili tibbi yardım şöbəsinə çatdırılıblar. Yaralılardan 4-ü kişi, 1-i qadındır.
TƏBİB-in məlumatına əsasən, xəsarət alanlardan birinin vəziyyəti ağır qiymətləndirilir, digər 4 nəfərin vəziyyəti isə orta-ağırdır. Hazırda xəstələrə lazımi tibbi xidmətlər göstərilir və həkimlər onların vəziyyətini nəzarətdə saxlayır.
Hadisə ilə bağlı araşdırmalar davam edir.
Bizim.Media
