Sentyabrın 10-da Qazaxıstanın Türküstan vilayətində yerləşən Orda poliqonunda “Sonsuz qardaşlıq – III” çoxmillətli birgə xüsusi təyinatlı qüvvələr təliminin təntənəli açılış mərasimi keçirilib.
Müdafiə Nazirliyindən Bizim.Media-ya verilən məlumata görə, Azərbaycan, Qazaxıstan, Türkiyə, Pakistan, Qətər və Özbəkistan xüsusi təyinatlılarının iştirakı ilə keçirilən təlimə İordaniya və Qırğızıstan müşahidəçi qismində dəvət olunub.
Təlimlərin keçirilməsində məqsəd idarəetmə orqanlarının və bölmələrin fəaliyyətində operativ uzlaşmanın təmin olunması, şəxsi heyətin praktiki vərdişlərinin artırılması, qarşılıqlı təcrübə mübadiləsi və peşə vərdişlərinin təkmilləşdirilməsidir.
Plana uyğun olaraq xüsusi təyinatlı bölmələrlə taktika, atəş, dağ-paraşüt, snayper hazırlığı üzrə məşqlər keçiriləcəkdir.
Təlimin yekununda xüsusi təyinatlı bölmələr yaşayış məntəqəsində qeyri-qanuni silahlı dəstənin aşkar edilməsi və zərərsizləşdirilməsi üzrə təlim-döyüş əməliyyatı tapşırıqlarını yerinə yetirəcəklər.
Zirehli texnika, ordu aviasiyası və PUA-ların cəlb edildiyi “Sonsuz qardaşlıq- III” çoxmillətli birgə təlimində 6 ölkənin 300-dək xüsusi təyinatlı hərbi qulluqçusu iştirak edir.
Bizim.Media
![Azərbaycanın xüsusi təyinatlıları Qazaxıstanda - FOTO/VİDEO Azərbaycanın xüsusi təyinatlıları Qazaxıstanda - FOTO/VİDEO](https://bizim.media/file/articles/2024/09/10/1725958481_5404464134784936695.jpg)
- A-
- A
- A+
Cəmiyyət
12:54 / 10.09.2024
Azərbaycanın xüsusi təyinatlıları Qazaxıstanda - FOTO/VİDEO
Hazırda oxunan: Azərbaycanın xüsusi təyinatlıları Qazaxıstanda - FOTO/VİDEO
Hazırda oxunan: Azərbaycanın xüsusi təyinatlıları Qazaxıstanda - FOTO/VİDEO
210814
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.