Azərbaycan Qida Təhlükəsizliyi Agentliyi (AQTA) ölkədə qida sahəsində fəaliyyət göstərən sahibkarlıq subyektlərinin fəaliyyətlərinin qanunvericiliyin tələbləri çərçivəsində həyata keçirilməsinə, həmçinin əlverişli və sağlam biznes mühitinin formalaşdırılmasına dəstək məqsədilə tədbirləri davam etdirir.
Agentliyin İnformasiya təminatı və innovativ həllər şöbəsindən Bizim.Media-ya verilən məlumata görə, həmin tədbirlər çərçivəsində Bakının Binəqədi rayonunun Biləcəri qəsəbəsində (Motodrom 156) fəaliyyət göstərən qablaşdırılmış içməli su emalı müəssisəsi də sağlamlaşdırılan obyektlərin sırasına daxil edilib.
Agentliyin müfəttişləri tərəfindən həmin müəssisədə daha əvvəl planlı yoxlama aparılıb və aşkarlanmış nöqsanlarla bağlı qanunvericiliklə müəyyən olunmuş qaydada tədbirlər görülüb. Habelə pozuntuların aradan qaldırılması sahəsində sahibkarlıq subyektinə dəstək göstərilib, maarifləndirmə işləri aparılıb, məcburi tələblərin pozulmasının qarşısının alınması ilə bağlı peşəkar metodiki tövsiyələr verilib.
Daha sonra həmin müəssisəyə qanunvericilikdə nəzərdə tutulmuş qaydada baxış keçirilib. Baxış zamanı pozuntuların tam aradan qaldırıldığı müşahidə edilib. Görülmüş sağlamlaşdırıcı tədbirlər nəticəsində müəssisənin fəaliyyətinin qida təhlükəsizliyi sahəsində texniki normativ-hüquqi aktların tələblərinə cavab verdiyi müəyyənləşib. Bununla da, içməli su emalı müəssisəsinin fəaliyyəti ilə bağlı qəbul olunan məhdudlaşdırıcı tədbirlərin tətbiqi barədə qərar qüvvədən düşüb.
Qeyd edək ki, AQTA əhalinin sağlamlığının qorunması, təhlükəsiz qida məhsulları ilə təmin olunması və müəssisələrin sağlamlaşdırılması istiqamətində ardıcıl tədbirləri bundan sonra da davam etdirəcək.
Bizim.Media
![Biləcəridə qablaşdırılmış içməli su müəssisəsinə tətbiq edilmiş məhdudiyyət aradan qaldırıldı Biləcəridə qablaşdırılmış içməli su müəssisəsinə tətbiq edilmiş məhdudiyyət aradan qaldırıldı](https://bizim.media/file/articles/2024/08/20/1724098849_17240759536246716724_1200x630.jpg)
- A-
- A
- A+
Cəmiyyət
00:15 / 20.08.2024
Biləcəridə qablaşdırılmış içməli su müəssisəsinə tətbiq edilmiş məhdudiyyət aradan qaldırıldı
Hazırda oxunan: Biləcəridə qablaşdırılmış içməli su müəssisəsinə tətbiq edilmiş məhdudiyyət aradan qaldırıldı
Hazırda oxunan: Biləcəridə qablaşdırılmış içməli su müəssisəsinə tətbiq edilmiş məhdudiyyət aradan qaldırıldı
207447
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.