Naxçıvanda ət satışı məntəqələrində yararsız məhsullar AŞKARLANDI - FOTO

Naxçıvan şəhərində fəaliyyət göstərən ət satışı məntəqələrində monitorinqlər həyata keçirilib.

Bizim.Media xəbər verir ki, bu barədə Muxtar respublikanın Qida Təhlükəsizliyi Agentliyi məlumat yayıb.

Bildirilib ki, monitorinqlər zamanı bir sıra nöqsanlar aşkarlanıb.

Belə ki, sanitar gigiyenik qaydalara əməl olunmadığı, alət və avadanlıqların təmizlənmədiyi, istifadəyə yararsız ət məhsullarının satışının həyata keçirildiyi, işçilərin ilkin və dövri tibbi müayinədən keçmədiyi və dezinfeksiya işlərinin vaxtında aparılmadığı müəyyən edilib.
Nöqsanlarla bağlı müvafiq tədbirlər görülərək yararsız ət məhsulları satışdan kənarlaşdırılıb, fəaliyyət dayandırılaraq icrası məcburi göstərişlər verilib.










Bizim.Media