Ağdam rayonunda yol qəzası baş verib.
Bizim.Media-nın yerli bürosunun xəbərinə görə, hadisə rayonun Təzəkənd kəndi ərazisində qeydə alınıb.
Belə ki, Bərdə-Ağdam yolunun Təzəkənd kəndindən keçən hissəsində hərəkətdə olan "Mercedes" markalı minik maşını idarəetməni itirərək yol kənarında aşıb. Hadisə nəticəsində Ağdam rayonu, Güllücə kənd sakini, 1988-ci təvəllüdlü Rövşən Aslanov xəsarət alıb.
Yaralıya Ağdam rayon mərkəzi xəstəxanasında ilkin tibbi yardım göstərildikdən sonra Bərdə mərkəzi rayon xəstəxanasına yerləşdirilib.
Faktla bağlı yerli hüquq mühafizə orqanlarında araşdırma başlanılıb.
Elgün Gəncimsoy, Bizim.Media, Qarabağ bürosu
