Qaxda qəflətən hava şəraiti dəyişib və güclü küləklə müşahidə edilən leysan və dolu yağıb.
Bizim.Media-nın yerli bürosu xəbər verir ki, leysan və dolu yağışı yarım saat davam edib ki, bu zaman evlərə, meyvə ağaclarına eləcə də yardımçı təsərrüfatlara ziyan dəyib.
Küləyin güclənməsi ilə əlaqədar baş verə biləcək hər hansı neqativ hallarla bağlı bəzi ərazilərdə elektrik enerjisinin verilməsi dayandırılıb.
Bu dəqiqələrdə Qax şəhərinə və yaxınlıqdakı kəndlərə leysan yağmaqda davam edir.
Tural Rasim oğlu, Bizim.Media, Şimal-Qərb bürosu
