Bakı Dövlət Sirki 75 ildən sonra ilk milli truppa və orkestr heyətini yaradır.
Bu barədə Bizim.Media-ya Bakı Dövlət Sirkindən bildirilib. Bakı Dövlət Sirki milli truppa yığılması məqsədilə istedadına güvənən 18-29 yaşınadək olan gəncləri, tələbələri və ixtisaslı şəxsləri müsabiqəyə dəvət edir.
MÖVZU İLƏ BAĞLI:
Bakı Dövlət Sirkində YENİLİK - RƏSMİ - FOTO
Azərbaycanda və xaricdə təhsil almış musiqiçi, gimnast, akrobat, güləşçi, pəhləvan, kəndirbaz, kloun, janqlyor və digər istedadlı gənclər müsabiqədə iştirak edə bilərlər.
Müsabiqədə Azərbaycan Dövlət Mədəniyyət və İncəsənət Universiteti, Azərbaycan Milli Konservatoriyası, Bülbül adına Orta İxtisas Musiqi Məktəbi, Azərbaycan Dövlət Bədən Tərbiyəsi və İdman Akademiyası, Bakı Xoreoqrafiya Akademiyasının məzunlarının iştirakı arzuolunandır.
Namizədlər öz tərcümeyi-hallarını (CV) və nümayiş etdirəcəkləri janra uyğun qısa video materialı [email protected] elektron poçt ünvanına göndərə bilərlər.
Həmçinin məlumatları (+99450) 204 04 54 “WhatsApp” nömrəsinə göndərmək mümkündür.
Eyni zamanda müsabiqədə iştirak etmək istəyən şəxslər Bakı Dövlət Sirkinin aşağıda göstərilən sosial şəbəkələri vasitəsilə də əlaqə saxla bilərlər.
Facebook linki : //www.facebook.com/bakidovlet.sirki.3/photos
Instagram linki: //www.instagram.com/bakucircusofficial/?igshid=x0dscccyx87u
Alçina Amilqızı, Bizim.Media
