Bakı funikulyorunun fəaliyyətə başlamasından 64 il ötür.
Bizim.Media xəbər verir ki, funikulyor Əliş Ləmbəranskinin təşəbbüsü ilə tikilib və 1960-ci il mayın 5-də istifadəyə verilib.
Sovet dövründə funikulyorun qatarları xüsusi sifarişlə Ukraynanın Xarkov şəhərində hazırlanaraq paytaxta gətirilib.
Bakı funikulyorunun iki stansiyası var: “Bəhram Gur” və “Şəhidlər Xiyabanı”. Stansiyalararası məsafə 455 metrdir. Cəmi iki vaqonu olan bu funikulyorda vaqonlar bir stansiyadan digərinə dörd dəqiqəyə çatır. Vaqonlararası interval 10 dəqiqədir.
Funikulyor saatda orta hesabla 2 000 sərnişini daşımaq imkanına malik olub.
Bakı funikulyoru müxtəlif vaxtlarda bir neçə dəfə təmir edilib. 1980-ci illərin sonlarında qəza vəziyyətində olduğu əsas gətirilərək bağlanıb və 2001-ci ilin sonunda yenidən istifadəyə verilib. Bakı funikulyoru 2001 və 2007-ci ildə iki dəfə əsaslı şəkildə təmir edilib. 2007-ci ildəki təmirdən sonra vaqonların hərəkəti zamanı yaranan səs-küy minimuma endirilib. 2011-ci ilin aprelində isə yenidən təmirə bağlanıb. 23 may 2012-ci ildə əsaslı təmir və yenidənqurmadan sonra yenidən istifadəyə verilib.
Bizim.Media
