Xəzər dənizinin səviyyəsi 2005-ci ildən aşağı düşür. Mütəxəssislər bunun əsas səbəblərindən biri kimi qlobal iqlim dəyişikliyinin olduğunu deyirlər.
Bizim.Media xəbər verir ki, mövzu ilə bağlı “SputnikAzərbaycan” nəşri süjet hazırlayıb.
Süjetdə ekoloqlar qeyd ediblər ki, Xəzər dənizində suyun səviyyəsi demək olar ki, 1,5 metr aşağı düşüb.
Onların fikrincə, bu, hələ son hədd deyil:
“Suyun səviyyəsinin aşağı düşməsi həm təbii amillərlə, həm də insan fəaliyyətinin təsiri ilə bağlıdır.
Xəzər dənizinin səviyyəsinin aşağı düşməsi neft sənayesinə, balıqçılıq təsərrüfatına mənfi təsir göstərir, həmçinin gəmiçiliyə mane olur”.
Bizim.Media
