Ötən gündən başlayaraq Şimal-Qərb bölgəsinə daxil olan rayonlarda hava şəraiti kəskin dəyişib, yağış yağır.
Bizim.Media-nın yerli bürosu xəbər verir ki, ötən gün bölgə rayonlarında hava şəraiti qismən isti keçib. Belə ki, bölgə rayonlarında 7-9 dərəcə isti və mülayim hava şəraiti ilə müşahidə edilib.
Gecə saatlarından etibarən hava qəflətən dəyişib və yağış yağmağa başlayıb. Bölgənin aran yerlərində yağış, dağətəyi ərazilərdə isə sulu qar, yüksək dağlıq ərazilərdə isə qar yağmağa başlayıb.
Hazırda bölgənin əksər rayonlarında hava biuludludur və bəzi yerlərdə yağış yenidən bərpa olunub. Hava şəraitinin kəskin dəyişməsinə və yağış yağmasına baxmayaraq bölgədə bu saatlara kimi hər hansı fəsad qeydə alınmayıb.
Tural Rasim oğlu, Bizim.Media, Şimal-Qərb bürosu
