“Demokrat.az”ın 6 yaşı tamam oldu

Bu gün Azərbaycanın populyar xəbər portallarından biri olan “Demokrat.az” xəbər portalının 6 yaşı tamam olur.

Bizim.Media xəbər verir ki, azərbaycandilli xəbər saytları içərisində özünün xüsusi dəsti-xətti ilə seçilən “Demokrat.az”ın əsası 11 mart 2018-ci ildə qoyulub. 

Bu gün “Demokrat.az” ölkənin tanınan media ailəsinin - “Demokrat Media” şirkətinin tərkibində fəaliyyət göstərir. 

Yarandığı ilk gündən müstəqilliyini və obyektivliyini qoruyan sayt toplumun bütün təbəqələrinin tribunası olmağı hədəfləyib. Ötən qısa vaxtda peşə prinsiplərinə sadiq qalmağı bacaran saytın artıq öz auditoriyası formalaşıb. 
Azərbaycanın informasiya məkanında mühüm mövqeyə malik olan “Demokrat.az” yarandığı dövrdə çətinliklərə baxmayaraq, sağlam rəqabətlə bu gün də inkişaf etməkdədir.

Bizim.Media olaraq, “Demokrat.az”ı ad günü münasibətilə təbrik edir, fəaliyyətlərində uğurlar arzu edirik.

Bizim.Media