“Yerkrapa” terror təşkilatının sədri: 4 erməni snayperlə vurulub

Şərti sərhəddə, Zəngilan rayonu istiqamətində Azərbaycan ordusuna qarşı terrorçu fəaliyyətinə görə 4 erməni quldurunun öldürülməsi Ermənistanda əsas gündəm mövzusudur.

Bizim.Media erməni mediasına istinadən xəbər verir ki, bu barədə Ermənistanın “Yerkrapa” Könüllülər Birliyinin (terror təşkilatı - red.) sədri Sasun Mikaelyan da danışıb.

Xatırladaq ki, öldürülən ermənilərin məhz bu təşkilata mənsub könüllülər olduğu ortaya çıxıb.
“Faktla bağlı araşdırma aparılır, hallar aydınlaşdırılır. Sadəcə onu deyə bilərəm ki, onların dördü də snayper atəşi ilə vurulub”, - deyə Mikaelyan “Azadlıq” radiosuna deyib.

Bizim.Media