Qubanın dağlıq kəndlərində səhər saat 8-dən başlayan səsvermə yüksək fəallıqla start götürüb.
Bizim.Media-nin şimal bürosu xəbər verir ki, rayonun ucqar dağ kəndi Xınalıqdakı 13 saylı seçki məntəqəsində ilk dəqiqələrdən səs verənlərin fəallığı qeydə alınıb.
Məntəqə üzrə 306 nəfər seçici seçkilərə qatılacaq. Xınalıqlılar qeyri-sabit hava şəraitinə rəğmən yüksək coşqu və fəallıq nümayiş etdiriblər.
Qeyd edək ki, 59 saylı Quba DSK üzrə 69 məntəqədə 50953 nəfər öz prezidentini seçmək üçün səs verəcək.
Aytəkin Alxaslı, Bizim.Media, Şimal bürosu
