Şəkinin Qoxmuq kəndi ərazisindən keçən hissəsində baş verən yol-nəqliyyat hadisəsi ilkin məlumatlara görə, ötmə qaydalarının kobud şəkildə pozulması nəticəsində baş verib.
Bizim.Media-nın yerli bürosu Şəki Rayon Mərkəzi Xəstəxanasına istinadən bildirir ki, "Hyundai" və "Mercedes" markalı minik avtomobillərinin toqquşması nəticəsində beş nəfər müxtəlif dərəcəli bədən xəsarətləri alıb.
MÖVZU İLƏ BAĞLI:
Şəkidə iki avtomobil toqquşub, xəsarət alanlar var - FOTO
Hadisə yerinə Təcili Tibbi yardım briqadası cəlb edilib. Qəzada rayon sakinləri 35 yaşlı Təbriz Hüseynov, 30 yaşlı Cavad Hüseynov, 29 yaşlı Samir İsmayılov, 74 yaşlı Çingiz Səmədov və 34 yaşlı Turqut Abbaszadə müxtəlif dərəcəli bədən xəsarətləri alıb və onlara yerindəcə ilkin tibbi yardım göstərilib.
Daha sonra həmin şəxslər xəstəxanaya gətirilib, müayinələrdən keçirilib, müalicələr təyin edilib.
Xəstəxanadan o da bildirilib ki, 74 yaşlı Çingiz Səmədovun xəsarətləri ağır olduğundan onun müalicəsi xəstəxana şəraitində davam etdirilir. Digər şəxslər isə müalicələrini ambulator şəraitdə davam etdirmək şərti ilə evə buraxılıb.
Faktla bağlı araşdırma aparılır.
Tural Rasim oğlu, Bizim.Media, Şimal-Qərb bürosu
