Xəbər verdiyimiz kimi, yanvarın 15-də paytaxtın Binəqədi rayonunda yerləşən mebel sexində 10 nəfərin ölümü, 23 nəfərin müxtəlif dərəcəli bədən xəsarətləri alması ilə nəticələnən partlayış-yanğınla bağlı iki nəfər həbs olunub. Bunlar “Bakı Ağac Emalı” ASC-yə sahiblik edən Tağı İbrahimov və ASC-ni faktiki olaraq idarə edən Toğrul Rzayevdir.
Bizim.Media xəbər verir ki, həbs olunanlardan Tağı İbrahimov Diasporla İş üzrə Dövlət Komitəsinin keçmiş sədri Nazim İbrahimovun qardaşıdır.
MÖVZU İLƏ BAĞLI:
Binəqədidə baş vermiş partlayışla bağlı 2 nəfər HƏBS OLUNDU
Maraqlıdır ki, partlayışdan sonra Hacı İbrahim Nehrəmli mətbuata açıqlamasında mebel sexinin qardaşına məxsus olduğunu desə də, Tağı İbrahimov bu fikirləri təkzib etmişdi.
Bizim.Media
