“Whatsapp”da YENİ FUNKSİYA - Tətbiqdə süni intellektdən istifadə MÜMKÜN OLACAQ

“Whatsapp” yeni funksiyasını təqdim edib.

Bizim.Media xəbər verir ki, “Meta AI chatbot” artıq bəzi “WhatsApp” istifadəçiləri üçün əlçatandır.

“Meta”nın süni intellekt “chatbot”u nəhayət “WhatsApp”da istifadəyə verilib və bura bir sıra xidmətlər daxil edilib. 

Məlumata görə, yeni süni intellekt “chatbot” düyməsi “WhatsApp”ın “Söhbətlər” bölməsində və “Yeni Söhbət” düyməsinin üstündə yerləşdirilib. Bu yeni funksiyanın istifadəçilərin süni intellekt “chatbot”una daxil olmasını və onlara lazım olanı axtarmağı asanlaşdıracağı gözlənilir. 

Süni intellekt “chatbot”undan “WhatsApp”la bağlı suallara cavab vermək, müştəri dəstəyi göstərmək və hətta istifadəçilərə görüşlər planlaşdırmaq və ya rezervasiya etmək kimi tapşırıqlarda kömək etmək üçün istifadə edilə bilər.
Bundan əlavə, “WhatsApp” status yeniləmələrinə girişi asanlaşdırmaq üçün yeni funksiyasını da yaradıb.

Nuranə Daxilqızı, Bizim.Media